O canteirán vigués adestrará coa Sub-16 na súa primeira convocatoria coa selección nacional
A canteira do Real Club Celta continúa fabricando novas promesas que nutren tanto ao club como ás categorías inferiores das seleccións internacionais. Álex Ubeira (Vigo, 10-08-1998), centrocampista do Cadete A, foi convocado pola Selección Española Sub-16 para participar nos adestramentos oficiais que terán lugar en Las Rozas (Madrid) entre o 10 e o 12 e marzo.
Para Ubeira esta é a súa primeira convocatoria internacional, un recoñecemento tanto para o canteirán como para a Fundación Celta de Vigo, soporte do proxecto de canteira celeste. A base futbolística do RC Celta continúa atraendo a atención dos seleccionadores nacionais, feito que referenda a filosofía marcada pola entidade, que conta co apoio e respaldo da afección.
