A rexeneración do céspede de Abanca-Balaídos avanza a bo ritmo

A rexeneración do terreo de xogo de Abanca-Balaídos iniciada hai pouco máis dun mes, un proceso habitual na maioría de clubs ao termo da tempada e que permite combater o desenvolvemento da maleza común poa annua, avanza a bo ritmo. O proceso de substitución, que tamén permitirá favorecer o sistema de drenaxe do campo, comezou a finais de maio retirando o tapete a unha profundidade de 2 centímetros. O 29 de maio realizouse a sementeira do novo céspede que empeza a lucir no estadio celeste.