As escolas de tecnificación da Fundación pechan a tempada cunha festa

A Madroa acolleu este xoves a festa fin de tempada das escolas de tecnificación da Fundación. En total asistiron ao redor de 125 nenos que durante os últimos meses estiveron adestrando na Madroa, Coia, O Castro e Os Sauces (Pontevedra) e gozaron dunha xornada chea de actividades. Monitores e familiares acompañaron aos novos futbolistas, que se divertiron con inchables, música, sorteos e agasallos.