Así é a camiseta da primeira equipación do RC Celta da tempada 2018/2019

A proposta #ACamisetaé.. xerou unha enorme expectación tanto na tenda do club de A Sede como nas redes sociais, onde se propuxeron diversos xogos e sorteos. O RC Celta estrea esta tempada 2018/2019 equipacións marcadas pola súa calidade e deseño.

A primeira equipación, desvelada coa participación da afección nas redes sociais, presenta un pescozo cun só botón de goma, que garante un absoluto confort, e un aspecto cun atractivo picado para asemellarse a un polo e posibilitar o seu uso cotián. O trisquel cobra protagonismo e desprázase cara á parte inferior dereita, zona moito máis visible, con motivo do 95 aniversario do club.

As tres bandas de adidas son tamén de cor celeste, nun ton lixieramente máis escuro, e as cores celeste e branco clásicos do Celta cobran todo o protagonismo. Outra novidade é que na parte posterior pode verse a marca do RC Celta.

As camisetas foron confeccionadas co material Tricot-hydrophilic finish, un tecido de pique moi cómodo e lixeiro que permite o mellor rendemento no terreo de xogo, e tecnoloxía Climalite, transpirable e que expulsa a suor para manter ao portador da camisola fresco e seco en momentos de máxima calor.

En canto á segunda camiseta, é de cor morada con dúas tonalidades para dotala de dinamismo e as tres bandas clásicas de adidas en cor rosa. Con esta cor, o RC Celta rende homenaxe a un dos grandes símbolos da cidade, o Cristo da Vitoria, a cuxa figura atribúeselle na memoria popular a vitoria sobre as tropas napoleónicas que invadiron Vigo en 1809, un triunfo pleno de afouteza. Os cofrades que portan a figura na multitudinaria procesión pola cidade locen a cor morada, como esta camiseta da segunda equipación.