O campo de Barreiro vivirá este domingo un partido moi especial, o de ida da segunda rolda de ascenso a segunda División. O Celta B recibe ao Cartagena, campión do Grupo IV, un equipo veterano e con gran calidade deseñado para subir de categoría. O conxunto celeste necesitará ao máximo o apoio da afección para superar esta dura proba. Co fin de xerar un ambiente tan extraordinario como o propio encontro, o RC Celta distribuirá de xeito gratuito dous centenares de bandeiras de gran tamaño co escudo celeste e unha mensaxe: ¡soñemos!.
