O extraordinario momento de forma de Brais Méndez segue acaparando recoñecementos. O centrocampista celeste foi incluido esta semana no “Equipo da Semana” do videoxogo FIFA19 de EA Sports tras a súa fantástica actuación no Estadio de la Cerámica o pasado sábado, onde anotou o primeiro gol do partido e repartiu senllas asistencias a Okay e Maxi Gómez.
O canteirán de Mos xa obtivo o premio ao mellor xogador da xornada en LaLiga Fantasy tras sumar 25 puntos, a puntuación máis alta de calquera futbolista do campionato no que vai de tempada.
