Celta B-Cerceda: este domingo #TodosABarreiro

Non hai fútbol en Balaídos este fin de semana, pero si en Barreiro. Os canteiráns do Celta B reciben ao Cerceda o domingo ás 12:00 horas co obxectivo de volver gañar tras sete xornadas consecutivas sen conseguilo. Unha bancada chea e entregada a empuxar ao equipo sería, sen dúbida, un punto de motivación extra para os nosos mozos xogadores.

O club anima a todos os afeccionados a acudir ao encontro e lembra aos seus abonados que o acceso é de balde presentando o carné na entrada ao campo.