Tras completar con éxito a Fase de Grupos da UEFA Europa League e clasificarse aos dezaseisavos de final do torneo, o RC Celta retoma a competición doméstica cun esixente enfrontamento ante o Sevilla FC (domingo, 16:15, Balaídos), un dos equipos punteiros de Primeira División.
Será o último choque ligueiro do ano en Balaídos e, para celebralo, o Celta convida a todos os mozos celtistas de até 15 anos a asistir ao partido totalmente gratis. Para iso deberanse retirar as entradas, sen custo algún, nos despachos de billetes do estadio este sábado de 10 a 14 e de 17 a 20 horas ou o domingo desde as 10 até o inicio do partido.
Campaña de Abonados Anual
A Campaña de Abonados continúa adiante coas mesmas condicións que no verán. Ademais de poder financiar o carné en cómodos prazos, tanto renovacións como altas poderán beneficiarse de vantaxes especiais se xestionan o seu carné antes do 31 de decembro. Toda a información sobre a campaña atópase dispoñible en www.rccelta.es