Desvelamos as equipaxes de porteiro do RCCelta 2019/20!

Tras presentar o primeiro e segundo equipamentos do RC Celta 2019/20, o club revela agora os deseños das dúas equipaxes principais de porteiro para a nova tempada. Deseñados por Adidas, do mesmo xeito que o resto de prendas oficiais, os uniformes para os gardametas célticos teñen un mesmo motivo de estampado, aínda que nunha delas o amarelo é o gran protagonista e na outra un estiloso negro combinados con tons grises.

As novas camisetas de porteiro do RC Celta estarán á venda proximamente en shop.rccelta.es e nas tendas físicas de Abanca Balaídos e A Sede.