Iago Aspas recibiu o Premio Manuel de Castro 2018

O pasado sábado 19 de xaneiro entregouse antes do inicio do partido entre RC Celta e Valencia CF o trofeo Manuel de Castro a Iago Aspas, premio que recoñece ao de Moaña como o mellor xogador do ano 2018. O xogador recibiu o galardón de mans de Cristina Castro e Juan De Castro, filla e neto de Manuel De Castro ‘Hándicap’, un dos artífices do nacemento do RC Celta. No acto tamén estiveron presentes a conselleira do club María José Táboas e Germán Arteta, director da Fundación Celta.

O Premio Manuel de Castro, unha inciativa da peña celtista siareiros.net, a web moiceleste.com e o podcast ‘El Fútbol es Celeste’, contou co apoio e a colaboración tanto do club coma da Fundación Celta. Xornalistas de diversos medios de comunicación e xogadores do primeiro equipo céltico foron os votantes da enquisa que fallou en favor de Iago Aspas.

Fotografía: Pablo Vázquez

Leave a Reply

four × four =