Krohn-Dehli, Park e Orellana atenderon aos afeccionados esta tarde no Centro Comercial Gran Vía
Os xogadores do Real Club Celta Krohn-Dehli, Park e Orellana firmaron autógrafos e atenderon aos afeccionados esta tarde no Centro Comercial Gran Vía.
O acto organizado por Canal+ e o Celta tivo unha acollida espectacular desde o primeiro minuto, cunha enorme cola de celtistas que cruzaba a planta do centro comercial. Centos de afeccionados acudiron a coñecer en persona aos futbolistas célticos e fotografiarse con eles durante a tarde, nunha iniciativa que se repetirá en próximas datas.
