O capitán da nave celeste, Hugo Mallo, analiza en rolda de prensa ante os medios as sensacións e a situación na que se atopa o equipo trala vitoria por 1-0 fronte ao Valencia CF a pasada xornada en Abanca Balaídos.
A concentración do conxunto adestrado por Fran Escribá é absoluta e os xogadores están xa preparados para o encontro que se disputará este venres ás 20:00 no Sánchez Pizjuán ante o Sevilla FC (Movistar LaLiga), duelo no que os celestes quererán brindarlle unha nova vitoria ao celtismo e levarse os tres primeiros puntos fóra da casa.
