O Campus Fundación Celta by Cabreiroá da Madroa bate récord de participación

O Campus de Verán Fundación Celta by Cabreiroá rexistrou esta semana a súa marca histórica de participación na sede da Madroa. Ata cento cincuenta e uns nenos e nenas forman parte da actual quenda do campus nas instalacións deportivas celestes, unha sede que aínda acepta inscricións de cara ás próximas semanas.

Os Campus de Verán Fundación Celta by Cabreiroá axuntan deporte e valores positivos como a amizade, o compañeirismo, a deportividade, a integración e o esforzo. Poden participar nenos e nenas de 4 a 16 anos. A información de rexistro pode atoparse en fundacion.rccelta.es ou chamando ao 986.100.900.