Os celestes completaron un espectacular torneo con pleno de vitorias e ningún gol encaixado
Os alevíns celestes de segundo ano viaxaron este nadal a Vallobín para disputar a Copa de Nadal que cada ano organiza a localidade ovetense. Os canteiráns célticos erixíronse vencedores do torneo tras cultivar un pleno de vitorias e ningún gol en contra, resultados espectaculares ante rivais fortes como Getafe ou Sporting de Gijón.
O Celta superou a fase de grupos con solvencia, con triunfos ante o Real Avilés (0-1), San Andrés (0-4), Sporting de Gijón (4-0), Cánicas (0-6) e Avilés (4-0). En semifinais o equipo adestrado por Álex Otero derrotou ao Getafe por 0 a 3 e xa na final do torneo, os da Madroa golearon 6 a 0 ao Sporting de Gijón para alzarse co título de campión.
Os vigueses regresaron de Asturias cunha tremenda satisfacción, non só polo resultado cultivado senón pola gran imaxe ofrecida desde o primeiro ao último partido da competición.
