O Celta B alcanza o liderado cun triunfo épico

C8bTqbGWAAADrws.jpg

O Celta B vai camiño de facer historia. Os celestes arrebataron o liderado á Cultural este domingo cun traballado triunfo no campo do club leonés, unha vitoria (a sexta consecutiva) coa que os de Menéndez suman 71 puntos.

 

O partido comezou da mellor maneira, con gol vigués. Con apenas dous minutos transcorridos, Hicham presionou ao porteiro e o lanzamento do gardameta rival impactou no celeste, coa fortuna de que o balón terminou no fondo da rede. Borja Iglesias e Juan Hernández tiveron ocasións para aumentar a vantaxe galega, pero non estiveron acertados.

 

Na segunda parte a Cultural mellorou e apertou ao filial, aínda que as ocasións máis claras seguiron sendo para o Celta. A falta de cinco minutos para o final, os locais empataron cun lanzamento de falta. Pero se algo ten o equipo de Menéndez é que se entrega, esfórzase, non se rende, ata que termina o partido. No tempo de desconto unha gran asistencia a Borja Iglesias aproveitouna o santiagués para anotar o seu vigésimoquinto gol da tempada, o definitivo 1-2.

 

O Celta B chega todo o máis alto da clasificación a falta de seis xornadas para finalizar o campionato. A próxima xornada recibe á UD Somozas en Barreiro.

Leave a Reply

5 × one =