O Celta B non atopa o gol ante o Astorga e sofre a súa primeira derrota

celta_b_astorga_web_14914.jpg

O filial dispuxo de ocasións para polo menos empatar ante un rival que defendeu con todo

 

O Celta B topouse cun muro. O seu longo acoso na segunda metade para tratar de remontar o gol inicial do Astorga foi infrutuoso. Moitas ocasións, pero ningunha fortuna e primeira derrota, inxusta, da tempada, agravada ademais cun novo tanto en contra na última xogada do partido, con Óscar Santiago, e o resto do equipo, no área rival nun balón parado.

 

Unha gran xogada entre Jordan e Samu con remate desviado do lateral activou ao Celta B, que tardou moi pouco en axustar a súa presión e controlar o xogo. Os ataques celestes sucedíanse no arranque do choque, cun rival moi metido atrás que defendía con orde e solvencia.

 

O Astorga pronto se viu obrigado a xogar en longo ante a presión do filial, que impedía as combinacións desde atrás. A posesión era exclusiva para o conxunto vigués, cuxa intensidade e empuxe eran enormes.

 

Pero aos 29 minutos, en unja xogada illada, o Astorga anotou cun tanto espectacular. Diego picou con maestría desde o pico do área e adiantou aos visitantes, que apenas se asomaran en ataque.

 

O filial, claro dominador ata ese momento, acusou o golpe e atravesou unha fase de ansiedade traducida en imprecisiones e precipitación, aínda que sen sufrir en exceso atrás.

 

Ao descanso, desventaja e moito traballo por diante ante un rival moi duro en defensa.

 

Trala reanudación, o Astorga esforzouse ao máximo en tapar ocos e buscar a contra, dificultando moito o xogo combinativo dun filial que seguía demasiado impreciso de medio campo cara a adiante.

 

Aos 15 minutos, o B si gozou dunha gran ocasión. Jordan recibiu ante Luís, pero non enganchou ben o disparo. Despois, Yelko cabeceou ás mans do meta tras outra boa chegada. O filial melloraba e apertaba. O Astorga, á contra, puido anotar tamén, pero Óscar Santiago luciuse ante Borja.

 

A zaga visitante sacou despois baixo os paus un remate de Jordan. O conxunto vigués buscaba o empate con todo. O Astorga defendía con dez. Jordan, de novo, case marca despois en plena avalancha celeste. Lusi evitou o empate cunha gran parada aos 37 minutos. Borja Igrexas rematou con forza e luciuse o meta rival.

 

Non puido ser. O gol, por moito que se buscou, non apareceu e o filial sufriu a súa primeira derrota da tempada, ademais cun novo tanto na última xogada. Vales levou o coiro ata a rede sen oposición, xa que Óscar Santiago subira ao remate nun balón parado.

 

0-Celta B: Óscar Santiago, Kevin (Yelko, min.61), Goldar, Jonathan de Amo, Samu, Borja Domínguez (Javi Que, min.79), Javi Rey, Julio  Delgado (Fernán, min.46), Jordan, Luís Rioja e Borja Iglesias

 

2-At. Astorga: Luís, Cristian, Antonio, Víctor, Lago, Porfirio, Rubén, Diego (Bandera, min.71), Taranilla (Uña, min.84), Vales e Borja (Asier, min.89)

 

Goles: 0-1, min.29: Diego; 0-2, min.94: Vales

 

Árbitro: Moreno Aragón, do comité madrileño

 

Campo: Barreiro, uns 1000 espectadores

Leave a Reply

fourteen + 16 =