O Celta B regresou ao carreiro da vitoria tras a frustrante derrota da pasada xornada en campo do Caudal Deportivo. Os celestes foron netamente superiores a un Guijuelo combatente e duro que recortou diferenzas cando máis desarmado parecía. Antes chegaron os goles célticos, un espectacular tanto de Hicham na primeira parte e outro de Brais ao pouco de iniciarse o segundo tempo.
Os de Menéndez pechan a primeira volta cun merecido triunfo que lles consolida nos postos de promoción de ascenso a Segunda División. As cifras dos vigueses tras o primeiras dezanove xornadas do campionato resumen o incrible estado de forma e confianza que están a vivir: 12 vitorias, 3 empates, 34 goles a favor, 14 en contra, 39 puntos e segundos na táboa a expensas do resto de resultados da xornada. Unha primeira volta de ilusión.
FICHA TÉCNICA
2-CELTA B: Iván, Kevin, Roger, Alende, Samu, Borja Fdez., Gus, Brais Méndez (Castellano, min.83), Joao (Agus, min.70), Hicham (Mera, min.78), Borja Iglesias.
1-GUIJUELO: Kike, Raúl Ruiz, Aitor Aspas, Ayala, Héctor, Carles (Juliá, min.67), Piojo, Luque, Dimas (Maiki, min.54), Pino, Néstor (Carmona, min.32).
Goles: Hicham, 1-0, min.36; Brais, 2-0, min.53; Pino, 2-1, min.67.
Árbitro: Gálvez Rascón, do comité madrileño. Amonestou a Kevin, Iglesias (Celta); Ayala, Carles, Héctor (Guijuelo).
Campo: Barreiro.
