O Celta B regresa a Barreiro cun empate ante o SC Braga B (1-1)

O filial empatou 1-1 ante o SC Braga B nun intenso partido disputado este sábado en Barreiro. Os de Albés adiantáronse no segundo tempo cun tanto de Iban Salvador que chegou tras unha excelente xogada persoal de Apeh. Vinte minutos despois, o conxunto portugués igualou o marcador cun tanto desde fóra da área. Os celestes dominaron o encontro e loitaron ata o final por unha vitoria que non chegou a producirse.