Hemeroteca canteira

O Celta B suma unha importante vitoria en Barreiro ante o Sporting B (1-0)

RC Celta

celta_b_sporting_b_web_151115.jpg

 

O Celta B aplicou constancia, traballo e fútbol para levarse unha vitoria tan importante como merecida. Os celestes foron superiores ao Sporting B e fabricaron ocasións para gañar un partido que finalmente decantou Jordan cun gran zurdazo desde a frontal.

 

O bo comezo do Celta B careceu de premio aos dous minutos por centímetros. Goldar cabeceou á madeira na primeira gran oportunidade do partido. Segundos despois, un defensor sacou baixo paus un remate de Borja Iglesias, quen xa se desfixera do porteiro. Tremenda a posta en acción do filial celeste, tanto como o seu infortunio.

 

O Sporting igualou despois o choque, con boas chegadas, aínda que sen finalización, mentres o Celta B trataba de manter o seu empuxe inicial sen a precisión necesaria. A tradución no céspede era moito ida e volta e a sensación de que calquera podería adiantarse no marcador, aínda que con maior perigo nos ataques do filial vigués.

 

No tramo final, co Celta B moi envorcado, a punto estivo de marcar o Sporting cun remate de cabeza ao longueiro da portería celeste. O descanso chegou sen goles.

 

Trala reanudación, con Jordan polo amonestado Pape no céspede, moita igualdade e disputa, gran intensidade e poucas ocasións. Co paso dos minutos, comezaron a chegar do lado dos locais, cun novo balón sacado baixo paus incluído.

 

Aos 29 minutos, Jordan desfixo o empate cun gran zurdazo desde a frontal. O Celta B merecía, por xogo e insistencia, este resultado, que puido ser máis amplo enseguida cun par de boas ocasións desaprovechadas. Ao final, merecida vitoria para un bo Celta B.

 

1-Celta B: Iván Villar, Kevin, Jonathan de Amo, David Goldar, Lucas Olaza, Borja Fernández, Pape Cheikh (Jordan, min.46), Luis Rioja, Fragapane (Julio Delgado, min.84), Rubén (Guille, min.69) e Borja Iglesias

 

0-Sporting B: Dennis, Menéndez, Garrido, Julio, Víctor Ruiz, Mario Arqués, Cyril, Pablo (Jaime, min.65), Guillermo (Mera, min.71), Bustos e Mendi

 

Goles: 1-0, min.74: Jordan

 

Árbitro: Juan Bustos, do comité castelán leonés. Amonestou a Pape, De Amo, Julio Delgado, Mendi, Mario Arquésm Gartido, Julio, Mera

 

Campo: Barreiro, uns 1.000 espectadores

RC Celta

Etiquetas

Hemeroteca canteira Hemeroteca canteira Hemeroteca canteira

Noticias recomendadas