O Real Club Celta recibe o Nadal este venres cun acto moi especial na contorna do edificio da súa nova sede social, situado en pleno corazón de Vigo, na Rúa do Príncipe. O club celebrará a chegada do Nadal con todos os cidadáns nun lugar emblemático, a nova sede social, e para iso organizou un singular espectáculo que dará comezo ás 19.30 horas e que será visible desde a propia rúa co obxectivo de facer partícipes a todos os vigueses.
Consello de administración, primeiro equipo, categorías inferiores, empregados… ao acto acudirá o RC Celta ao completo.
