Adrián Rodríguez aportou tres dianas á goleada do conxunto celeste na Madroa (6-0)
Gran partido do Celta Xuvenil de División de Honra ante o Pontevedra CF. Os celestes medíronse esta mañá na Madroa ao equipo granota, que non foi capaz de contrarrestar a superioridade céltica. Adrián Rodríguez foi un dos grandes protagonistas do encontro ao anotar un ‘hat-trick’, tantos aos que se sumaron os de Yelko, Adrián Iglesias e Pablo Silva para deixar un sólido 6-0 no marcador. Con esta vitoria o Celta mantense a 4 puntos do liderado.
