O corpo técnico do RC Celta xa está completo. Hoxe incorporouse aos adestramentos na Madroa Nuno Baptista para redondear o equipo de traballo de Miguel Cardoso, que tanto hoxe como mañá dispuxo unha dobre sesión de adestramentos para despois conceder tres días de descanso e retomar a actividade o vindeiro luns.
De esquerda a dereita na fotografía: Fernando Villa, adestrador de porteiros; Antonio Calado, preparador físico; Jorge Maciel, segundo adestrador; Miguel Cardoso, adestrador; Nuno Baptista, técnico axudante, e Francisco Costa, analista.
