O dianteiro galego David Añón renova polo Celta

David_Anhon_-_Renovacion.jpg

O goleador seguirá no filial celeste unha tempada con opción a tres máis

 

 

O Real Club Celta pechou a renovación do dianteiro do filial David Añón (A Coruña, 1989), que se vincula ao club vigués por unha tempada con opción a tres máis.

O futbolista galego debutou a campaña pasada co Celta B, anotando 14 tantos e deixando moi boas sensacións ao longo do campionato de Terceira División.

Ademais de asegurar a continuidade dos seus novos valores, o Celta traballa día a día para consolidar o seu proxecto de canteira. Nas últimas semanas o club celeste pechou as renovacións de xogadores como Antón de Vicente, Maceira, Goldar, Pablo Pérez e Samu, ademais da fichaxe do atacante galego Borja Iglesias.

 

Fotografía: Diego Pérez

Leave a Reply

five − 2 =