O filial suma un punto nun intenso choque ante o Coruxo (0-0)

O Celta B sumou un punto no duelo vigués ante o Coruxo FC en Barreiro. Os celestes foron de menos a máis nun choque que arrincou cun primeiro tempo de moita igualdade e con escasas ocasións. Tras o descanso os de Albés melloraron, xerando un bo puñado de ocasións claras que, con todo, non frutificaron.

Os celestes mereceron máis ante un rival moi ordenado que ofreceu unha excelente imaxe. Dous goles anulados ao Celta B por fóra de xogo engadiron polémica ao encontro, resolto con repartición de puntos.