O galego Alfredo Álvarez ‘Fredi’ adestrará ao Celta B

escudo_grande.jpg

Ocupará o banco celeste durante unha tempada tras o acordo alcanzado hoxe có club

 

Alfredo Álvarez ‘Fredi’ (Moaña, 1976) será adestrador do Celta B durante a próxima tempada tras o acordo alcanzado hoxe entre o técnico galego e o RC Celta. ‘Fredi’ toma a substitución de David De Dios quen, de mutuo acordo co club vigués, decidiu porse á fronte do Xuvenil de División de Honra.

 

O novo técnico do filial afronta a súa nova etapa deportiva “con gran ilusión e desexando responder as esixencias dun reto moi bonito. É un paso adiante na miña carreira deportiva. Calquera adestrador novo aspira a formar parte do Celta”. ‘Fredi’ espera atopar un equipo ‘mozo, con moita calidade e ilusión. O Celta é un referente no traballo de canteira e iso permite que os mozos teñan ilusión e ambición por chegar ao primeiro equipo”. O moañés chega ao conxunto céltico “consciente de que a aspiración dun filial non só é o resultado, senón tamén a formación do futbolista”.

 

‘Fredi’ comezou a súa andaina como adestrador no Alondras, equipo no que militara como xogador. O técnico galego finalizou a súa etapa no conxunto de Cangas do Morrazo na tempada 2011-2012, tras clasificalo para disputar o play-off de ascenso a Segunda División B. Entre 2012 e 2014 ocupou o banco da SD Compostela, club ao que ascendeu a Segunda División B na súa primeira tempada á fronte do equipo.

 

Pola súa banda, David De Dios volverá dirixir ao Celta Xuvenil División de Honra tras alcanzar esta decisión xunto ao club celeste. De Deus asinou na 2012-2013 unha tempada memorable ao rexistrar na liga a marca de puntos e goles na historia do xuvenil celeste e alcanzar o subcampeonato da Copa de Campións.

Leave a Reply

3 + fourteen =