O prometedor atacante Salomón Obama, de 18 anos de idade, únese ás categorías inferiores do RC Celta procedente do Atlético de Madrid. O dianteiro asina co conxunto celeste para as próximas catro tempadas e media e dada a súa xuventude estará dispoñible tanto para o Celta B como para o Xuvenil de División de Honor.
Salomon Obama (Malabo, 4 de febreiro do 2000) é un futbolista diestro, moi potente e competitivo que destaca pola súa velocidade e verticalidade e que pode xogar tanto en banda como por dentro.
Sendo aínda xuvenil, xa xogou 16 partidos en Segunda División B. Foi internacional sub 17 con España e absoluto con Guinea Ecuatorial.
