O RC Celta B consegue a cesión do extremo Yaw Yeboah

O RC Celta B pechou a cesión por unha tempada do talentoso extremo Yaw Yeboah tras alcanzar un acordo co CD Numancia. O club, ademais, se garda unha opción de compra. Yaw Yeboah (Ghana, 1997) é un habilidoso home de ataque que pode xogar por ambas bandas e como dianteiro centro grazas ao seu desborde e velocidade. Este xoven xogador zurdo foi fichado polo Manchester City para a súa canteira e nas últimas tempadas xogou no Real Oviedo e CD Numancia. É internacional sub 20 e sub 23 por Ghana e foi preseleccionado coa selección absoluta para disputar a Copa de África.