p>
Os dirixentes de ambas as entidades selaron a renovación do convenio
O presidente do Real Club Celta, Carlos Mouriño, e o seu homónimo da Federación de Penas, José Méndez, asinaron na sede social do club o convenio que establece a colaboración entre ambas as entidades, que se mantén nos mesmos termos que no anterior acordo. Tras unha amena charla, ambos os responsables procederon á firma, expresando a súa satisfacción pola renovación un ano máis deste convenio.
Tamén estiveron presentes o vicepresidente do Real Club Celta, Ricardo Barros; Antonio Rosendo, conselleiro do club; o director da Fundación Celta de Vigo, José María Goicoa; e Argimiro Rodríguez, directivo da Federación de Penas e presidente da pena “Rikitrí”.
