O RC Celta, motivo de estudo na Universidade do Deporte de Bucarest

A metodoloxía de traballo do RC Celta e a súa canteira captou a atención da Sports Business Academy, a primeira academia en Europa do leste dedicada á industria do deporte en todos os seus ámbitos. A entidade romanesa desenvolve actualmente un curso de posgrao na Universidade do Deporte de Bucarest que, na súa segunda data presencial, contou co club celeste como convidado de excepción.

Eduardo Covelo, responsable de metodoloxía do RC Celta, e Ciprian Jurubesco, presidente da Escola de Fútbol Celta-Brasov, acudiron o pasado mércores 25 de outubro á universidade da capital romanesa para exercer de relatoras ante os estudantes deste curso especializado. A charla de Covelo ofreceu aos asistentes unha visión global tanto do método de traballo das categorías inferiores célticas como da organización xeral do club e o seu modelo de xestión, mentres que Jurubesco centrou o seu relatorio na escola que preside e que aplica os conceptos de metodoloxía do RC Celta.

Días despois de ser elixida polo CIES Observatory como unha das 30 principais factorías de futbolistas de Europa, a canteira celeste volve ser protagonista a nivel internacional e dá un paso máis na consolidación da súa imaxe e reputación tanto dentro como fóra das nosas fronteiras.