O RC Celta perdeu este domingo en ABANCA Balaídos (0-1) despois dun gol de Jesé nos últimos compases do partido. O cadro de Fran Escribá gozou de ocasións durante todo o encontro pero non conseguiu bater a meta visitante.
A primeira metade estivo marcada pola igualdade. O Real Betis fíxose coa posesión de balón e o RC Celta permaneceu ben colocado sobre o terreo de xogo. O equipo de Fran Escribá aumentou a súa presión co paso dos minutos e chegou ao descanso con boas sensacións.
Os andaluces saíron mellor no segundo período e gozaron de dúas ocasións de perigo grazas a sendas chegadas de Tello. Os cambios activaron ao conxunto celeste, que tamén dispuxo de chegadas para poder abrir o marcador. Finalmente Jesé adiantou ao Real Betis no tramo final tras aproveitar un rexeite de Rubén.
FICHA TÉCNICA
0 – RC Celta: Rubén, Hugo Mallo, Costas, Araújo, Juncà, Lobotka, Okay (Jensen, min 88), Boufal (Apeh, min 84), Boudebouz (Pione Sisto, min 62), Brais e Maxi Gómez
1 – Real Betis: Pau López, Joaquín (Emerson, min 91), Mandi, Bartra, Sidnei, Francis (Tello, min 52), William, Guardado, Canales, Lo Celso (Javi García, min 89) e Jesé
Goles: 0-1 Jese, min 80
Árbitro: Estrada Fernández, do comité catalán. Amonestou a Okay, Maxi e Hugo Mallo (RC Celta)
Campo: ABANCA Balaídos (18.005 espectadores)
