O club agradece ao técnico o traballo realizado, así como o seu esforzo e dedicación
O técnico Abel Resino desvincúlase do Real Club Celta tras o acordo alcanzado por ambas as partes para proseguir os seus camiños por separado, unha decisión conxunta tomada hoxe por considerar que, unha vez alcanzado o obxectivo na recentemente concluída tempada, é o mellor tanto para o técnico como para o club ao percibir diferenzas na filosofía de club.
O Real Club Celta quere expresar o seu máis sincero agradecemento a Abel Resino polo traballo que realizou no último tramo da competición, no que o equipo conseguiu a permanencia. O club desexa felicitar ao adestrador por este gran logro e agradecer a súa implicación e esforzo durante a súa etapa no banco celeste, na que o seu comportamento foi exemplar.
Tampouco continuarán o segundo adestrador Pepe Serer e o preparador físico Miguel Peiró, a quen igualmente o club desexa agradecer o seu esforzo e dedicación.