Os celestes firmaron unha vitoria con folgura no campo do Atlético Perines (2-6)
O Celta Xuvenil División de Honra fíxose co liderado da categoría tras vencer hoxe ao Atlético Perines por 2 goles a 6. Fede marcou por partida dobre. O celeste abriu o marcador desde o punto de penalti e anotou máis tarde o 0-2, que puxo as cousas moi costa arriba para o cadro locatario. O triunfo céltico completouse con tantos de Berto, Julio, Quiles e Manu Vila.
