Os abonados xa poden reservar entradas visitantes para San Mamés

O RC Celta visita ao Athletic Club en San Mamés este domingo 19 de xaneiro 18:30 horas, unha das citas máis apetecibles para os afeccionados celestes. Os abonados do club vigués que estean interesados en asistir a este encontro xa poden reservar a súa entrada (até esgotar existencias) a través da páxina web ticketsabonados.rccelta.es

O custo da entrada, tras o acordo alcanzado entre Athletic e Celta, é de 25€ e están dispoñibles en exclusiva para os abonados celestes. As entradas poden xestionarse até este martes 14 de xaneiro ás 20:00 horas.