Os mozos da canteira xa viven o Campus Fundación Celta en Dublín

Un total de 24 mozos da nosa canteira desprazáronse esta semana a Dublín para gozar do campus que a Fundación Celta organiza do 12 ao 22 de xullo en Irlanda.

Unha actividade exclusiva para os mozos da Canteira, subvencionado en parte pola Fundación Celta 100% en inglés, onde vivirán por parellas con familias irlandesas e desenvolverán diversas actividades deportivas compaxinándoas con clases de inglés a cargo de profesores nativos.