Pesar polo falecemento do abonado centenario Ignacio Pinacho

Loito no RC Celta polo falecemento dun celtista irrepetible. Ignacio Pinacho, abonado histórico do club vigués, faleceu onte luns aos 101 anos de idade. Fundador da Pena Rikitrí, Pinacho era un dos afeccionados máis entrañables e queridos pola familia celeste que podía presumir de asistir ao nacemento do RC Celta en 1923, cando tiña sete anos.

O RC Celta desexa transmitir o seu máis sincero pésame e todo o seu agarimo aos familiares, amigos e a toda a xente que quería e admiraba a Ignacio Pinacho. Balaídos gardará un minuto de silencio na súa memoria no próximo partido que se dispute no estadio vigués.