Pione Sisto está nun momento doce. O internacional danés lidera en solitario a lista de máximos asistentes en Primeira División tras o seu pase de gol a Sergi Gómez ante o Athletic, un tanto que abriu o marcador e sinalou o camiño cara ao 3-1 final.
Son sete asistencias en total ás que hai que engadir tres goles, unhas cifras moi notables coas que o mozo xogador supera o seu rexistro da pasada tempada (3 goles, 4 asistencias) tras tan só once xornadas disputadas.
