O Real Club Celta continúa perfilando o seu proxecto deportivo de cara á histórica tempada 2016/17. O defensa central Sergi Gómez renovou este luns o seu compromiso co club vigués e será xogador celeste ata o ano 2019.
Gómez chegou ao RC Celta aos 22 anos, na tempada 2014/15. Desde entón pasou de ser unha nova promesa a un xogador consolidado que na última tempada ofreceu un rendemento sobresaliente no eixo da zaga céltica. Tras dous anos no club vigués, Gómez acumula 63 partidos entre Liga e Copa do Rei.
O central celeste selou a renovación do seu contrato esta tarde na sede social do Celta xunto ao presidente Carlos Mouriño.
