Yelko Pino marca o segundo gol de España Sub-18 nunha nova vitoria na ‘Copa del Atlántico’

yelko_copa_atlantico_6214.jpg

O canteirán celeste anotou de falta directa no triunfo da selección española ante Canarias (3-0)

 

O centrocampista celeste Yelko Pino ratificou onte a súa brillante participación no XL Torneo Internacional ‘Copa del Atlántico’ no segundo partido desta competición, que se disputa ao longo desta semana nas Palmas. Si no primeiro encontro, con vitoria ante Estados Unidos, foi titular e tivo unha destacada actuación, no segundo, ante a Selección de Canarias disputou 25 minutos e anotou un tanto, o segundo de España, de falta directa. O choque acabou con vitoria da Sub-18 por tres goles a cero.

 

O combinado nacional pechará a súa participación neste torneo este venres nun atractivo encontro ante Arxentina. 

 

Yelko Pino é o representante da Madroa nesta edición dun torneo no que xa tiveron gran protagonismo en anteriores edicións canteranos como Santi Mina ou Jonny Castro, actualmente no primeiro equipo. A continua e crecente presenza de canteiráns celestes nas distintas categorías inferiores da selección nacional referenda a firme aposta do Celta polo fútbol base, un proxecto que conta co respaldo dunha afección celeste envorcada no apoio á canteira.

 

FICHA TÉCNICA

 

3-ESPAÑA: Antonio Marín, Xullo Pleguezuelo, Xavier Quintilla, Jurgi Oteo, Madger Antonio Gómez; Ignacio Abeledo, Asier Villalibre, Antonio Sivera Salva, Adrián Marín, Francisco José Sánchez “Curro” e Alberto Vilariño.

 

Tamén xogaron Rodrigo que saíu no minuto 46 por Marín, Pozo que substituíu a Curro no 55, Yelko Pino e Roberto Núñez que saíron no 65 por Villalibre e Oteo respectivamente e Jorge Mere e Joaquín Fernández que saíron por Marín e Vilariño no minuto 70.

 

0-CANARIAS: Santana, Osorio, Vázquez Velázquez, Sanz, Soto Rodríguez; Hernández, Cruz Espiñenta, Recuncho Pérez, Ravelo, Rocha Pérez e Daillo Thiao

 

Goles: 1-0 Min. 1: Ignacio Abaledo; 2-0, min.72: Yelko Pino; 3-0, min.84: Pita Osorio en propia porta.

 

Árbitro: Juan Luís Puído

 

Campo: Estadio Alfonso Silva

Leave a Reply

six + 20 =