Os prolegómenos do partido ante a AS Roma (Balaídos, 19.30 h), último encontro de preparación antes do comezo da competición, encerran un momento moi especial para a afección celeste. A partir das 19.00 horas terá lugar a presentación do primeiro equipo ante o celtismo, coa saída ao terreo de xogo, un por un, dos xogadores e integrantes do corpo técnico. O RC Celta anima á afección a que acuda con tempo a Balaídos para gozar deste acontecemento e arroupar aos futbolistas a menos dunha semana do debut en Liga ante a Real Sociedad en Vigo.
