O estadio de Balaídos vivirá un ambiente extraordinario no apaixonante partido de ida dos cuartos de final da Europa League entre RC Celta e o KRC Genk, que se disputará o xoves 13 de abril ás 21.05 horas. Esta tarde esgotáronse as entradas para este histórico choque europeo só unha semana despois da súa saída á venda en taquilla.
Dado o enorme interese que espertou este partido, o club estuda a posibilidade de manter a oferta de asentos para o encontro coa apertura da grada de Fondo, en cuxo caso comunicarase nos próximos días.