Denis Suárez e Pape Cheikh terminaron o partido ante o CD Leganés con molestias. No caso do centrocampista de Salceda, que tivo que ser substituído mediada a primeira metade, as primeiras exploracións indican que sofre unha escordadura no ligamento deltoideo do seu nocello dereito. Pape, pola súa banda, finalizou o encontro cunha forte contusión no seu nocello dereito.
