Denis Suárez, unha das fichaxes máis anheladas polo celtismo, selou este mércores en A Sede o seu regreso ao RC Celta, a súa casa, para as próximas catro tempadas. Tras superar o recoñecemento médico na Clínica RC Celta, o centrocampista criado na Madroa asinou o seu novo contrato xunto ao presidente Carlos Mouriño.
O novo centrocampista celeste regresa ao club no que se formou e co que chegou a debutar co filial en Segunda División B tras xogar no Manchester City, FC Barcelona, Sevilla, Villarreal e Arsenal.
Denis lucirá o dorsal 6 na súa camiseta.
