O celtismo apoia en masa ao Celta B na súa loita por ascender a Segunda División. As entradas gratuítas para o partido ante a Valencia Mestalla deste domingo, dispoñibles en exclusiva para os abonados celestes, esgotáronse a dous días do histórico encontro. Só se poderá acceder ao campo coas mencionadas entradas, entregadas aos abonados nas taquillas de Balaídos, e non co carnet, como ocorreu o resto da tempada.
Barreiro presentará este domingo ás 12:00 horas un aspecto de gala na ida da primeira eliminatoria da promoción de ascenso.
