Os abonados celestes poderán reservar desde este martes, a partir das 17.00 horas nas taquillas do Balaídos, entradas para o partido de volta das semifinais da Europa League entre Manchester United e RC Celta, xa que o club celeste recibirá un novo paquete de billetes, neste caso ao prezo de 51 euros.
Cada abonado poderá adquirir unha entrada por carnet ata un máximo de dous e deberá aportar tanto o carnet de abonado como o DNI, de ambos no caso de que solicite dous, xa que serán entradas nominales e nos accesos a Old Trafford será obligatorio mostrar o documento de identidade ou o pasaporte.
Máis entradas para o RC Celta-Manchester
Ademais, o club poñerá tamén este martes a partir das 10.00 horas á venda entradas para o partido de ida, o xoves en Balaídos. Trátase das butacas que non serán ocupadas polos posuidores do abono básico, que tiveron de prazo ata o pasado sábado para adquirir a entrada correspondente ao seu asento en Liga.
O horario de taquillas será de 10.00 a 14.00 e de 17.00 a 20,00 horas.
