athleticok.jpg
Primeiro Equipo

Este venres ábrese a reserva de entradas para San Mamés

RC Celta

O RC Celta afronta a próxima semana ante o Athletic Club o seu último partido a domicilio da tempada. O apoio da afección, tal e como ocorreu nos últimos desprazamentos do equipo celeste, será crucial para alcanzar o obxectivo da salvación.

Mañá venres 3 de maio ás 11.00 horas en https://ticketsabonados.rccelta.es/  ábrese a reserva de localidades para o encontro que se disputará en San Mamés o domingo 12 de maio. As entradas, que teñen un prezo de 45 euros e que só se poderán tramitar vía online, son exclusivas para abonados do RC Celta, que deberán introducir o seu dni e a ID do seu carné de abonado para poder efectuar a reserva.

Ao completar a compra cada socio recibirá no seu correo un xustificante que terá que trocar pola entrada definitiva nos despachos de billetes do estadio ABANCA Balaídos desde o luns 6 de maio en horario de 10.00 a 14.00 e de 17.00 a 20.00 horas. Ademáis, persoal do club estará presente na porta 20 de San Mamés nos prolegómenos do partido para entregar as entradas físicas a aqueles abonados que prefiran realizar o cambio no mesmo estadio bilbaino, presenteando o seu resgardo de pago.

Doutra banda, para facilitar o desprazamento dos afeccionados celestes a Bilbao, o RC Celta porá autobuses gratuítos que sairán ás 06.30 horas e regresarán ao finalizar o partido para aqueles abonados con entrada. A reserva dunha praza no autobús poderá realizarse no mesmo proceso de compra e aqueles que a xestionen recibirán nos próximos días un segundo correo electrónico con instrucións para tramitala.

RC Celta

Etiquetas

Primeiro Equipo Novas primeiro equipo Novas primeiro equipo Novas primeiro equipo Primeiro Equipo Primeiro Equipo

Noticias recomendadas