A canteira do RC Celta completou un exitosos fin de semana ao sumar entre todos os seus equipos 10 vitorias, 1 empate e ningunha derrota. Destacan especialmente os triunfos do Celta B ante o Valladolid B e do Xuvenil A ante o CD Marina Sport.
O filial céltico púxose por diante no marcador cun gol de Juan Hernández ao comezo do segundo tempo e os de Zorrilla lograron o empate no minuto 89. Os de Menéndez non desistiron e, xa no tempo de desconto, Borja Iglesias anotou o definitivo 1-2. O Celta B mantense na terceira posición da táboa con cincuenta e nove puntos, a tan só catro do líder, a Cultural Leonesa.
O duelo do Xuvenil A ante o Marina Sport non tivo o mesmo suspense. O equipo adestrado por David de Dios agasallou ao público da Madroa cunha contundente goleada (7-0) e sumou un importante triunfo que o mantén como líder do Grupo 1 da División de Honra con tres puntos de colchón sobre o seu perseguidor, o Sporting de Gijón.
