Debido a problemas técnicos do sistema informático de LaLiga, a venda de entradas a 5€ para o partido Celta-Sevilla deste domingo, promoción dirixida en exclusiva a abonados e cuxa activación estaba prevista para as 10:00 deste martes, non poderá activarse até próximo aviso.
O club está en continua comunicación co servizo técnico correspondente para resolver canto antes esta situación. A resolución do problema comunicarase polas canles oficiais en canto sexa posible. O RC Celta pide desculpas aos seus abonados polas molestias que poida ocasionarlles esta incidencia.
