Miguel Rodríguez e Gabri Veiga, convocados coa Selección Española Sub-18

O RC Celta e a Fundación están de parabén. Os xogadores Gabri Veiga e Miguel Rodríguez, do Xuvenil A, foron citados pola Selección Española Sub-18 para disputar o torneo internacional do Algarve. O combinado nacional enfrontarase entre o 7 e o 11 de decembro a Turquía, Romanía e Portugal. Para ambos futbolistas é a súa primeira chamada coa Sub-18.

Esta convocatoria premia o traballo que o club e a Fundación realizan na formación de xogadores nas categorías inferiores celestes.