O canteirán celeste Brais Méndez viviu este venres uno dos momentos máis emotivos das últimas semanas, nas que non deixou de cultivar éxitos no terreo de xogo. O futbolista galego recibiu unha homenaxe sorpresa por parte dos veciños de Mos, o seu lugar de nacemento, onde acudiu este venres sen saber que el sería o protagonista do acto.
O Multiusos dás Pozas encheuse de público, entre eles 450 estudantes do IES de Mos, para dedicar unha sonora ovación ao primeiro mosense que alcanza a Selección Española absoluta. O mozo centrocampista recibiu con ilusión este recoñecemento e durante uns minutos contestou as preguntas dos asistentes.
No evento anunciouse que a administración local outorgará a Brais Méndez a Medalla ao Mérito Deportivo do Concello de Mos 2019 como recoñecemento á sobresaliente traxectoria futbolística asinada polo canteirán do RC Celta recentemente.
