Primeiro Equipo

O Celta B, a remontar en Mestalla tras caer en Barreiro (2-3)

RC Celta

celtabvalencia1.jpg

 

O Celta B afrontará cunha notable desvantaxe o partido de volta da primeira eliminatoria de ascenso a Segunda. Empezou gañando o cadro vigués, cun golazo de Mera aos 3 minutos de xogo, pero a Valencia remontou para deixar un complicado dous a tres final que obriga a unha xesta en Mestalla. Borja Igrexas anotou de penalti no desconto ese segundo tanto que aviva a esperanza.

 

Tres minutos, dúas ocasións e un golazo de Juan Mera. Comezo tremendo do Celta B no play off, no seu choque ante a Valencia Mestalla. Mera anotou de lonxe cun disparo espectacular que entrou pegado ao poste esquerdo de Sivera. Antes, Borja Iglesias lanzou lixeiramente alto desde a interior da área.

 

Tras o tanto, recompúxose o cadro visitante, que se apoderou do coiro ante un Celta B que dispuña de espazos á contra. Aos 26 minutos, Araujo anotou desde a frontal cun disparo moi axustado á madeira. E catro minutos despois, golazo dese fose da área de Nacho Gil. Difícil situación para o filial celeste, incómodo no partido desde o tanto inicial e que con todo encadeou dúas boas ocasións para o empate. Sen fortuna. O descanso chegou coa vantaxe visitante.

 

Na reanudación o Celta B foise arriba de maneira decidida. Borja Iglesias estrelou na escuadra un espectacular lanzamento de falta. O rival, na súa primeira chegada da segunda metade e nun saque de esquina, aumentou a súa vantaxe por medio de Gregorio. Golpe tremendo para o cadro local.

 

Tardou un tempo en reporse o Celta B, co partido moi trabado e moitos minutos sen o balón en xogo, o que a Valencia desexaba. E o marcador ancorouse na notable vantaxe cultivada polo conxunto valenciano… cun novo remte á madeira do filial céltico nos últimos instantes.

 

Xa no desconto, penalti sobre Brais que lanzou Borja Iglesias para avivar a esperanza viguesa.

   

FICHA TÉCNICA

2-Celta B: Néstor, Kevin, Alende, Robert, Adri, Gus Ledes, Borja Fernández, Juan Mera, Juan Hernández (Brais, min.56), Hicham e Borja Iglesias.

 

3-Valencia: Sivera, Nacho Vidal, Javi Jiménez, Ayala (Jordi Sánchez, min.86), Lato, Gregorio Sierra (Charlie, min.86), Quim Araujo, Nacho Gil, Eugeni (Cifu, min.80), Sito e Rafa Mir.

 

Goles:-0, min.3: Juan Mera; 1-1, min.27; Araujo; 1-2, min.31: Nacho Gil; 1-3, min.54: Gregorio Sierra; 2-3, min.93: Borja Iglesias, de penalti.

 

Árbitro: Vicente Moral, do comité castelán leonés. Amonestou a Sivera (Valencia).

 

Campo: Barreiro, 1.800 espectadores.

RC Celta

Etiquetas

Primeiro Equipo Hemeroteca primer equipo gl Hemeroteca primer equipo gl Hemeroteca primer equipo gl Primeiro Equipo Primeiro Equipo

Noticias recomendadas